川崎前鋒 「東」成西就

2015-07-11 07:58:07 来源:互联网

川崎前鋒 「東」成西就 
 
日職次階段開波,川崎前鋒友賽慘吞6隻光蛋,不過對手係德國勁旅多蒙特,所以都算合情合理,今仗日職喺主場對住同級數嘅FC東京,預料唔會受到影響,足智彩開讓球盤,買川崎前鋒讓平手、半球上盤。(周六3,有線61及201台周六5:30pm直播)
 

唔計友賽多蒙特,川崎前鋒喺日職其實已經取得3連勝,包括擊敗鹿島鹿角、松本山雅同埋湘南比馬,而且每場比賽至少入兩球或以上,雖然後防未必好穩,但攻擊球員就保證有貨交,加上今日喺主場出擊,可以預計川崎前鋒唔會留手。
FC東京同樣喺日職連勝,當中嘅戰績包括3:2贏清水心跳、2:1贏鳥棲砂岩,同埋2:1贏松本山雅,走勢同川崎前鋒好相似,不過睇番交手往績,FC東京就好輸蝕,近6次到訪僅嘗一勝,當中更試過大敗,故揀川崎前鋒平手、半球上盤有理。
柏雷素爾主場對鳥棲砂岩亦可睇高一線,事關柏雷素爾喺佢哋狹窄嘅地頭出擊不嬲都夠晒氣勢,適逢鳥棲砂岩連同日職、日聯盃已累積6場不勝,足智彩開平手、半球盤,柏雷素爾上盤讓得起。(周六6,香港時間周六6:00pm開賽)

神戶勝利船「水」位高

清水心跳對神戶勝利船一戰就係海軍鬥水兵,雖然客軍神戶勝利船近況普通,不過清水心跳3連敗仲大鑊,陣營內士氣跌到落谷底,如果大家夠膽識,可敲神戶勝利船開4.1倍嘅「讓客」。(周六8,香港時間周六6:00pm開賽)

流言情报