大阪飛腳「風」捲殘雲

2015-07-11 07:57:43 来源:互联网

大阪飛腳「風」捲殘雲 

大阪飛腳雖然冇季初咁勁,不過走勢都唔算差,而且上周輕鬆贏波,料可將士氣同信心帶到今仗,並於主場輕取實力普通嘅甲府風林,足智彩開讓球主客和,飛腳2.12倍「讓主」可捧。(周六5,有線64及203台香港時間周六6:00pm直播)
 

早前大阪飛腳突然死火,分別遇神戶勝利船、仙台維加泰同埋柏雷素爾只取得2和1負,正當大家都擔心緊佢哋之際,球隊就立即喺上周日職反底,以3:1輕鬆贏山形山神,宇佐美貴史呢隻fit馬更加大演帽子戲法,捧場客可以放心啦。
甲府風林近況普普通通,近4戰獲1勝2和1負,上周就靠阿部拓馬尾段入波,喺主場迫和柏雷素爾1:1,僥倖地執番1分,不過幸運之神並唔會成日陪住甲府風林,畢竟佢哋嘅實力唔算突出,今仗作客遇勁旅大阪飛腳預期會凶多吉少。
松本山雅主場對浦和紅鑽亦係等死,皆因松本山雅已經7連敗,擺到明未夠班踢日職,反觀浦和紅鑽上周大勝新潟天鵝5:2,目前仍穩佔聯賽榜首,足智彩開讓球主客和,2.33倍嘅「讓客」走唔甩。(周六7,香港時間周六6:00pm開賽)

山形山神作客拿「手」

至於橫濱水手主場對山形山神一仗,睇排名雙方差好遠,不過橫濱水手近3戰不勝近況沉,神經刀山形山神絕對係有機可乘,足智彩開讓球盤,山形山神受讓半球、一球有計,下盤要跟進。(周六9,香港時間周六6:00pm開賽)

流言情报