莫迪讓主「格」殺勿論

2015-07-10 07:11:18 来源:互联网

莫迪讓主「格」殺勿論 

挪威超級聯賽,奪標熱門莫迪喺主場迎戰侯格辛特,好大機會出現大屠殺場面,足智彩亦有先見之明,入球大得1.4倍,而莫迪主Win亦得1.16倍,咁就惟有揀莫迪開個1.6倍「讓主」推介俾大家。(周五1,香港時間周六1:00am開賽)
莫迪隊長維加特科倫停賽完畢可以復出,而前鋒賀爾蘭特亦都坐完波監,換言之人腳愈嚟愈完整,雖然門將尼蘭特已轉往德國聯賽搵食,但係頂替佢嘅艾芬賀華夫相當可靠,故此對實力方面冇影響。侯格辛特已沉淪至聯賽榜下游,開咧前亦冇喺轉會市場招兵買馬,睇嚟今季都要喺下游位置徘徊,適逢今仗對住奪標熱門莫迪,想唔輸都真係幾難,足智彩開讓球主客和,放心捧1.6倍「讓主」。
同日美職聖荷西地震主場對侯斯頓戴拿模,主隊剛簽入芝加哥火燄前鋒阿馬歷華,攻力大大提升,讓平手、半球係全日筍盤,上盤有1.77倍要捧。(周五6,無綫網絡電視301頻道周六11:00am直播)

流言情报