兵工廠和局「斯」人醒

2015-07-10 07:10:50 来源:互联网

兵工廠和局「斯」人醒 

真係懷疑呢隊沙蘭迪兵工廠開季冇拜神切燒豬,上季仲好好哋排緊中上游,點知今季就搞成咁,喺阿甲排到29位嘅成績並唔理想,好在佢哋近期稍有好轉,遇番甘拿斯亞直情係連個天都想佢哋「反底」!(周五2,香港時間周六5:00am開賽)
唔使再睇「沙兵」季初嘅表現嘞,係掂嘅就唔會搞成咁啦,要睇就睇佢哋5月尾開始踢咗3場比賽,先喺主場同聖達菲聯踢成平手,之後就贏北古斯路,最後作客葛度爾古斯亦力保不敗,若果係勁旅有咁嘅成績當然係唔合格啦,不過以一隊排喺29位嘅球隊嚟講,取得1勝2和就係好轉嘅先兆。
再睇埋原來「沙兵」遇親甘拿斯亞都唔係好蝕,尤其係主場近6次迎戰對手贏足3次而未輸過,有啲「格食格」嘅味道;再睇埋佢哋嘅賠率又未去到冷到令人捧唔落手嘅地步,穩陣少少信近況同往績佔優嘅「沙兵」,可以喺主場迫和甘拿斯亞!

流言情报