學生隊主勝「安」心捧

2015-07-10 07:10:08 来源:互联网

學生隊主勝「安」心捧 

「沙兵」場波又要睇往績,仲要睇埋賠率先至下到決定,不過另一邊廂嘅學生隊就唔使搞咁多嘢,事關佢哋近期喺主場交到功課,而對手只係弱旅聖馬田聖祖安,唔貪心要主勝就包冇走雞。(周五4,香港時間周六8:10am開賽)
講真呢場波真係唔使點諗就知道點買,事關盃賽一向都係強隊天下,主隊學生隊雖然係辛苦啲,憑下半場反勝辛達馬連拿,但係總算都叫做贏到,不過聖馬田聖祖安就同卡塞羅斯學生隊踢到要互射12碼先至晉級,淨係憑住呢場盃賽就已經分出高低啦。
咁都唔止,唔好睇漏學生隊喺近4場主場贏過3仗咁多,喺自由盃擊敗聖達菲一役就更加係冇花冇假,睇嚟佢哋嘅主場威力仲係唔錯;同時唔好忘記佢哋已經唔使分心踢自由盃,返到阿甲係時候搶分上返較前嘅位置,難得遇到近況平平嘅聖馬田聖祖安,有咁大舊魚腩放喺面前又點會唔起筷呢?

流言情报