美日之戰「和」氣生財

2015-07-05 05:29:55 来源:互联网

美日之戰「和」氣生財 
   
女子世界盃殺到入最後決賽!決賽戲碼同4年前一樣,又係日本打美國,日本由分組賽至今6戰全勝,而且一如上屆一樣以合作性見稱,而美國亦繼續其體力化踢法,上仗淘汰德國極之有說服力,呢場決賽表面上都係難分高下,隨時又一如上屆一樣要鬥到加時兼12碼才分勝負,和波非常合理,加一注美國奪冠又可以兩注食晒。(周日18,香港時間周一7:00am開賽)

兩支上屆決賽隊伍又再相遇,可謂不是冤家不聚頭;咁日本對美國呢個對碰,如果係打仗就一定一面倒,踢波嘅話,肯定男女子隊都係五五波,過去6次交手,兩隊就打和3次,其餘3次日本取得1勝2負,而3場和波中,更包括上屆世界盃120分鐘打和1:1,最後12碼日本射贏3:1,照咁睇呢個對碰喺歷史上真係完全冇高低可言。

日本級數稍不及上季

不過到咗今時今日,要秤兩軍高低嘅話,我都會秤美國高少少,先睇兩軍上屆兩大主力,澤穗希及雲芭芝,兩人都已退居後備,而現時兩邊正選11人,日本就以外流兵大儀見優季及拜仁慕尼黑前鋒岩淵真奈為主力,但其他本土兵級數上似乎稍不及去屆賽事,反而美國主力如摩根及拿賓路等,都為非常當打之年,4強戰2:0擊敗奪冠熱門德國而盡見說服力。

美國加時捧盃機會高

而日本雖然喺分組賽至今6戰全勝,但每場都係僅勝1球,而且過程上完全避開晒幾支傳統強隊如加拿大及挪威等,上場擊敗英格蘭,對方射門比日本多出1倍,最後英軍不幸補時輸烏龍波,都反映出日本晉級過程充滿運氣成份,所以今場日本控制比賽節奏又未必入到波,美國因應過去經驗都會打得小心,但比賽如帶到加時美國應有體能上優勢,博90分鐘和局,最後美國捧盃,絕對有望食晒兩注。

流言情报