捧聖保羅大勝致「富」

2015-07-05 05:29:29 来源:互联网

捧聖保羅大勝致「富」
  
聖保羅已經兩連敗,不過佢哋其實係連續兩周作客,今日巴甲返到主場迎戰富明尼斯,絕對有能力撥亂反正,贏波氹下球迷開心,足智彩開讓球主客和,大膽貼聖保羅開3.05倍「讓主」致「富」。(周日13,香港時間周一3:00am開賽)

先後不敵帕拉尼恩斯同埋彭美拉斯嘅聖保羅,並未因此而失去信心,事關佢哋近4次主場出擊收錄3勝1和不敗,包括以1:1賽和艾華爾、2:0贏甘美奧、3:2力克山度士,同埋3:0大勝祖恩維爾,返主場出擊例牌打高一皮波。富明尼斯3連當然唔可以睇低,不過佢哋作客水準有待改善,早前就曾經作客不敵彭美拉斯,加上盧卡斯高美斯、雲尼斯蘇沙同埋桑恩拉菲爾幾位球員有輕傷在身,是役踢唔踢得都未知,不如搏聖保羅開3.05倍「讓主」仲抵玩。

法林明高讓主值捧

同日法林明高主場對費古倫斯呢場就係五五波,彼此近況都係普通,不過費古倫斯往績就極差,近6次作客法林明高竟然一場都贏過,格食格味道濃,所以不妨向法林明高嘅2.4倍「讓主」埋手。(周日15,香港時間周一5:30am開賽)
另外,邦迪比達對住彭美拉斯呢場巴甲安排喺中立場舉行,咁我哋就唔使理主場作客數據,直接從近況去衡量,鑑於彭美拉斯近兩戰全勝,而且一球波都未失過,3.9倍「讓客」簡直係超值之選。(周日17,香港時間周一5:30am開賽)

流言情报