智利受讓值得「根」進

2015-07-04 06:05:06 来源:互联网

美洲國家盃終於迎來周日早上最終決戰!智利晉級過程表而面上非常輕鬆,不過的確疑點重重,而阿根廷靠自己一場比一場打得好,上仗更憑美斯一人之人帶起隊波,以6:1贏波製造今屆最大比數。不過呢場決賽智利肯定坐擁天時地利人和之利,咁都受讓予阿根廷似乎有啲那個,預計雙方打得小心,又隨時出現有利智利嘅判決,都係先捧一注下盤為妙。(周六1,now681台周日4:00am直播)

阿根廷坐擁眾多球星,一早都已經係呢屆賽事大熱門,不過佢哋喺分組賽及8強階段,都睇唔出有咩霸氣,前線美斯及其餘一眾球員互動性極弱,尤其美斯上腳甚少人做支援,阿根廷喺頭4戰入球率一般主要都係呢個原因做成。

阿根廷攻勢成形

不過直至上一場呢個情況有明顯改善,首先戰術上有啲微調,就係由美斯一人負責所以攻擊策動,迪馬利亞及柏斯托利冇再一味要攞波上腳,反而更加積極喺禁區空位接應,美斯喺中場空間大咗即時生晒,而身後碧基亞及馬斯又有效做到支援,阿根廷似乎已經成形,呢場對智利絕對有力一爭。

球證判決益智利

不過今屆大賽,賽會及球證幫到智利出晒面連新聞都賣埋,智利連同四強5場賽事,球證一共向佢哋對手出示4個紅牌,而冇出示紅牌嘅兩場波,一場佢哋賽和墨西哥3:3,另一場就炒冇戰意嘅玻利維亞5:0,可以咁講,大家都認真打嘅3場賽事,智利全部都係靠人多打人少至贏。
講到咁,今場係咪應該撐阿根廷呢?梗係唔博啦!正所謂送佛送到西,呢場話唔定又係偏幫智利,而且阿根廷炸彈一向多,好似薩巴列達、馬斯真蘭奴、迪馬利亞、碧基亞等,全部都非常魯莽會作出惡意犯規,話唔定今場阿根廷又紅一兩件,捧住智利先應該冇錯。

流言情报