秘魯巴拉圭合演「大」戰

2015-07-03 05:25:46 来源:互联网

 
究竟一個本來就已經唔算好大型,分組及之前淘汰階段又古怪事百出嘅盃賽,來到由秘魯對巴拉圭嘅季軍戰可以有幾令人意想不到呢?大家如果喺今屆美洲盃,每場都反其道而行嘅話,道理上應該有錢贏,而睇番直至兩場四強賽前,又有幾多場波實實在在咁開個上盤出嚟?所以去到季軍戰呢種戰意難測嘅場合,玩勝負就免啦!一於睇好一班副選今場會力爭表現唔留力,捧入球大!(周五3,now681台周六7:30am直播)

以往啲咩世界盃、歐國盃都好,季軍戰都立即變成各大球隊練兵時間,上場秘魯輸波後,教練加列卡立即講咗幾句,一來有講對智利張紅牌影響大啦,二來就已經講緊備戰世界盃外圍賽,所以呢場波佢哋肯定會俾啲新人上陣,當中一眾90後,而且又已經落戶歐洲嘅球員,如約迪雷拿、靴達度等都肯定獲得上陣機會,唔係下屆世盃仲係法芬、比沙路及荷西古里路就真係等死。

兩軍青黃不接練兵良機

而相同情況放喺巴拉圭都一樣,佢哋一樣青黃不接,喺連戰幾場下,上仗打阿根廷下半場真係企都唔穩,最終大敗1:6都無話可說。喺咁嘅情況之下佢哋休息時間又比秘魯少一日,係可以秤高秘魯多少,但既然都預佢哋今場試新兵,就應該冇咗呢個體力上問題,當中奧斯卡羅美路等幾戰後備入替,呢場甚有可能正選披甲,所以預期雙方都大派副選出戰,而且只攻唔守,一定係一場娛樂性十足嘅「比賽」。
不過玩還玩,呢場仲有一樣嘢係有得爭,就係賽事神射手獎項,無獨有偶,兩邊今場都分別有射手有3球在手,當決賽伊度亞度華加斯冇波入,秘魯嘅荷西古里路同巴拉圭嘅巴西奧斯入一球就已經瓜分射手寶座,既然覺得係一場入球騷,咁教頭放兩人落去爭射手機會都大。呢場入球大必開同時,神射手小注上面兩位球員都非常值博!

流言情报