修咸頓下盤有分「素」

2013-12-14 07:54:56 来源:互联网

修咸頓下盤有分「素」

英超早場睇完場精彩絕倫嘅曼城對阿仙奴,去到11點正場揀邊場睇好?紐卡素對修咸頓都係前列大戰嚟架!英超第16周賽事,現排第7嘅紐卡素主場出戰受傷兵潮困擾嘅修咸頓,兩軍打法南轅北轍,本來紐卡素打長傳急攻正中修咸頓死穴,但卡比耶停賽紐卡素成條中場散晒,一於捧受讓平半嘅客隊。(周六18,now624台周六11:00pm直播)
唔少人都認為紐卡素呢隊波係海鮮波,完全由於佢哋打法太簡單,有波在腳即長傳急攻,所以當今季借到個喺前線停到波嘅雷米,打防守反擊更有效率,對住組織力強嘅球隊更特別有驚喜,近6戰5勝先後贏過車路士、熱刺及曼聯,個賽績真係嚇得人,之但係策動反擊嘅核心人物,全世界都知係中場大腦卡比耶,呢名法國國腳長傳準繩,前線停到波更可後上遠射,可以講成個紐卡素進攻模式都靠晒佢,今場佢缺陣,對紐卞素的確係沉重打擊。
當然修咸頓都有問題存在,佢哋已4場不勝,中場兩名悍將舒尼達連及雲耶馬受傷,防守上影響幾大,而普捷天奴都明白己隊弱點,今場見你冇埋卡比耶,更肯定會以攻代守,積洛迪古斯、禾特普斯及拉爾拉拿等主力都在陣,前線有上場入靚波之奧斯華度,有足夠條件喺紐卡素身上攞分。
至於同時間卡迪夫城對西布朗,西布朗已5場不勝3連敗,後防極度不穩,卡城主場一向有威力,近2次主場未能贏波,只因對手係阿仙奴曼聯,球隊冇新增傷兵可強陣值捧。(周六15,now625台周六11:00pm直播)
最後周六夜場認真趕客,由侯城對史篤城,史篤城上周爆冷擊敗車路士,但唔代表佢哋打得好,贏嚟只係車仔貪勝不知輸壓得太上所致,而侯城上場迫和史雲斯,丹尼格拉咸終於開齋,返主場秤高多少,絕對讓得起平半。(周六53,now621台周日1:30am直播)

流言情报