紐卡素「布」局似讓和

2013-11-30 06:34:46 来源:互联网

紐卡素「布」局似讓和

網上睇過段嘢都幾好笑,話紐卡素過去呢十年八載,幾乎係一屆爭前列一屆護級,但又真係冇講錯,英超今晚尾場,紐卡素喺主場迎擊西布朗,主隊連贏3場上到第8,排名仲高過熱刺,客隊近仗勝出率一般,但勝在入球能力唔差,今場紐卡素憑主場及佳態應可小勝,一於冷捧「讓和」。(周六57,now621台周日1:30am直播)
紐卡素近排都真係犀利,當中有樣嘢一定要讚,就係條滴水不漏嘅防線,球隊最近連贏3場,當中係擊敗車路士熱刺一對倫敦雙雄,3場波竟然未失過1球,就算進攻唔夠悅目都冇所謂,夠實際就得;而球隊咁好成績,自昆流借過嚟嘅雷米功勞最大,今場佢冇傷冇病,對住防守力一般嘅西有朗好難冇波入。
西有朗今季都買啱幾個人,當中購入施斯隆前場威脅力大增,亦有經驗老到嘅安歷卡,今季就算冇上季咁好成績,但護級都唔到佢哋。事實上,佢哋近戰雖然只贏過1場,但對手中有車路士、利物浦、阿仙奴及曼聯,真真正正輸就只輸咗俾利記,近4場波仲場場有波入,可見要贏佢哋都唔易,今場信紐卡素有失波下贏波,博「讓和」極之合理。


韋斯咸鬥富咸捧細
另一場韋斯咸對富咸上演次級倫敦打吡,上幾周已講過富咸今季水深火熱,全因球隊主力老化問題嚴重,連向來最把炮嘅主場威力都冇埋,今季聯賽主場只贏過史篤城,如來年1月唔增兵極大機會降班;至於韋斯咸近況都唔好,但冇人會信艾拿戴斯會搞唔掂,只係依家球隊鬧前鋒荒,就算對手係富咸都唔會有好多入波。對兩邊嚟講今場都唔輸得,加上入波能力疲弱,捧入球細似乎最妥當。(周六26,now622台周六11:00pm直播)

流言情报
相关标签: 纽卡素 西布朗