赫特枉為一號門神

2013-10-04 05:30:05 来源:互联网

赫特枉為一號門神

真係估唔到!前晚歐聯曼城喺主場面對衛冕冠軍拜仁,竟然係咁不堪一擊,可以話係毫無還擊之力!照睇牌面,拜仁就算稍高些少,但都未至於有咁大差別,更何況曼城坐擁無敵主場,到頭來成班曼城友好似馬騮搶波,俾拜仁玩到無地自容,真係睇見都眼冤!
曼城大敗,頂爺認定罪魁禍首必然係門將赫特,藍月亮所失嘅3球,呢條英格蘭一號門神起碼要負兩球嘅責任,開波冇耐列貝利嗰球冷箭,雖則球速係快,但佢拍到都入,即係代表佢手法唔正宗;至於洛賓埋齋嗰球,射近柱都擋唔到更係責無旁貸,曼城靠佢守尾門,盞搞!
喺英甲算係豪門一族嘅錫菲聯,今季衰到貼地淪落包尾,今晚無論如何都要反底,搏老命!

论坛精华