「90後」阿仙奴淘汰西布朗

2013-09-27 08:00:53 来源:互联网

「90後」阿仙奴淘汰西布朗

曼聯用後備晉級好叻咩?阿仙奴用7個20歲以下球員出場,作客同西布朗踢成1:1,最終再憑互射12碼贏4:3晉級,呢股青春風暴似乎仲威水喎!不過兵工廠經抽籤後喺16強會硬撼車路士,唔知領隊雲格到時仲敢唔敢用新人呢?
賓特拿相隔2年再為阿仙奴上陣,絕對係呢場英格蘭聯賽盃第3圈嘅焦點,作為老大哥嘅佢亦交出咗一球助攻,造就新人伊斯菲特先開紀錄,須知道呢隊兵工廠用咗4個20歲嘅球員打正選,後備上陣嗰3位球員亦只係得18歲,所以及後俾西布朗嘅比拉希奴追和1:1都算有交代啦!更何況阿仙奴仲喺互射12碼階段贏4:3晉級添,相信領隊雲格都好滿意呢場青春風暴。


史雲斯衛冕失敗
同日聯賽盃第3圈比較意外嘅賽果係史雲斯作客不敵英冠伯明翰1:3,不過佢哋要分心歐霸,踢少項本土盃賽亦唔算係乜嘢壞事。經抽籤之後,阿仙奴對車路士會係16強最堅嘅戲碼,紐卡素對曼城亦有睇頭,另外曼聯對諾域治亦係全英超對決。
 

论坛精华