韋斯咸篤定半場和

2013-08-31 08:14:20 来源:互联网

阿仙奴大檸樂!呢間兵工廠喺前晚歐聯分組抽籤行衰運,同組遇上多蒙特、拿玻里及馬賽,隊隊都係硬嘢,以家陣咁嘅班底,雲格仲唔趁呢幾日轉會窗關閉前入貨,頂爺對佢哋嘅真係唔多樂觀!據聞阿仙奴諗住一次過動用7,000萬鎊打包皇馬三子賓施馬、奧斯爾同迪馬利亞,但唔好話頂爺撥冷水,以兵工廠作風,執到其中一件過檔都已經要劏雞還神啦!
今晚英超有6場波打,頂爺推介韋斯咸鬥史篤城開半場和。史篤城換嚟曉士執教,我暫時都睇唔到隊波有咩變化,依舊係高Q大棍;而韋斯咸雖然中場線增強,但卡路爾仍未復出,前線射手冇個有把握,睇怕呢場波冇咁快有比數,半場悶和開0:0先係正路!

论坛精华