雙城之戰「大」有作為

2013-08-25 08:01:37 来源:互联网

英超第一周賽事幾大強隊都紛紛贏波,尤其兩支夏天出手最積極,又換咗個好領隊嘅車路士及曼城,更被各界認為係奪冠熱門。不過再強球隊都有弱點,當中曼城今場後防鬧兵荒,面對一支體力十足嘅卡迪夫城隨時遭遇滑鐵盧,反正客勝太熱「讓客」買唔過,不如買注入球大仲穩陣。(周六29,now621台周日11:00pm直播)
曼城今季以近億鎊簽下4名新兵,祖維迪因傷未亮相,但上場對紐卡素,單係一個捷西斯拿華斯已令對方疲於奔命,英傳媒更一場波將其捧上天,睇怕呢名有思鄉病嘅球員都應該暫時忘卻憂愁;而除咗拿華斯外,尼格度上場慘食「詐糊」,今場如有機會上陣都一定博命,中場費蘭甸奴有攻有守,配合上場明顯有態嘅阿古路及大勇嘅迪斯高,呢隊曼城攻力真係無與倫比。
攻就攻得,但「藍月亮」防線向來係最需要矯正一環,偏偏今個夏天佢哋一個後衛都冇買之餘,開咧前又傷埋拿斯達錫,最慘係隊長高柏尼上場又勇戰拉傷,已確定至少休戰一個月,搞到曼城臨急臨忙,都要搵老將迪米捷利斯來投,當然呢場波佢一定未嚟到啦,所以同上場一樣,又要查維加西亞墜後做住中堅先,而睇過佢熱物賽做中堅表現,絕對係曼城今場計時炸彈。
卡迪夫城首戰0:2不敵韋斯咸,不過今場返到主場唔同講法,佢哋身處威爾斯,面對遠道而來嘅對手有一定優勢,而倒戈嘅比拿美仍然有心有力,中場加利美度攔截力十足,絕對俾到麻煩曼城,卡城今場至少有1個入球,曼城如果反撲個入球大必定開得出,既然客勝熱到冇朋友,一於買入球大就算。

论坛精华