高雲地利主場打「雷」

2013-08-25 08:02:15 来源:互联网

英甲今晚上演獨腳戲由高雲地利主場鬥普雷斯頓。高地季初雖經歷被扣分同搬球場被球迷反對事件,但季初演出卻好對辦,預計要贏普雷斯頓唔難。(周日27,香港時間周日10:00pm開賽)
高雲地利季初因財政出問題先被扣10分,而將主場搬到距離根據地好遠嘅洛咸頓亦受球迷反對,之前對布里斯托城比賽,就只得約200名球迷坐旅遊巴去撐場,但同時就有約500人喺場外山坡示威抗議,明顯「高地」內部問題好嚴重。之但係,球隊喺咁嘅情況下,開季表現卻出乎意料地好,首周2:3僅負卡維尼,近兩周更先後5:4贏布城,以及4:0大炒卡素爾,就算中場卡爾巴卡要坐波監,仍有力喺「主場」爭勝。


普雷斯頓仲未開齋
客軍普雷斯頓到依家都未開勝門,上周主場鬥米爾頓凱恩斯更喺兩球領先下被對手迫和2:2完場,可以肯定防線必有問題;再講,普軍今周陣容上將有中場積克京肯定缺陣,射手比亞禾與侯姆就因狀態未足唔打得正選,隨時迎來首場敗仗。

论坛精华