維拉下盤言之有「物」

2013-08-24 09:19:13 来源:互联网

利物浦今季第一場就贏波,唔通真係有力爭冠?利迷都係咪天真住,佢哋首戰有主場都只係小勝史篤城1:0,嚴格講入波仲要靠史杜歷治一腳遠射,前線把握力仍舊有問題,喺蘇亞雷斯未復出前,唔見得佢哋有咩把握贏波,維拉一個賓迪基足以摧毀任何防線,受讓半一實在抵買到極。(周六55,now621台周日12:30am直播)
利物浦第一場1:0擊敗史篤城,無疑有個好開始,但大家千其咪俾利記冇失球,兼且全場25射11中呢啲數字呃咗,實情係佢哋上半場僅憑史杜歷治一腳遠射有運領先後,下半場久攻不下,最後仲輸多個12碼,只係靠新加盟嘅米洛列特神救至贏波,更重要嘅係,對手只係垃圾領隊曉士教嘅球隊,咁都贏得咁辛苦,呢隊利物浦有幾犀利大家明啦!
隊波實力有限都算,搵啱踢法同谷起狀態都可以彌補不足,至弊係今場比賽之前,又傳出皇家馬德里極可能出價要蘇亞雷斯,由於今次係國外球會出價關係,「哨牙蘇」肯定主動要求離隊,班頓羅渣士即時出口術,話皇馬肯定要出高價至有行,但賣唔賣都唔係你話事啦!所以現時紅軍更衣室內氣氛好極有限,作客唔易打架!


唔擔心維拉球員體力
今場對維拉最不利因素,就係7日內踢第3場,好彩現時係季初,維拉大部分又係後生仔,體力恢復都快啲,而佢哋對上兩戰都真係犀利,先作客贏阿仙奴,再作客車路士都只係僅敗1:2,賓迪基2場波就入3球,狀態正在頂點,加上今戰係開季第1場主場作賽,真係戰意都贏埋,咁嘅情況下受讓半一,好似同派錢冇咩分別喎!

论坛精华