熱刺讓客穿金戴銀

2013-08-22 05:05:48 来源:互联网

熱刺今晚喺歐霸盃附加賽首回合出場,雖然佢哋要飛行2000公里去到格魯吉亞,但由於對手第比利斯戴拿模嘅實力係有限公司,所以足智彩開出讓球主客和,仍然可以放心捧熱刺開出「讓客」。(周四1,香港時間周五12:00am開賽)

格魯吉亞聯賽同英超一樣,都係啱啱先至開鑼,第比利斯戴拿模暫時以2戰1勝1和嘅成績,與另一隊叫迪拿哥里嘅球隊分享第4位,佢哋嘅西班牙外援悉斯高係上屆聯賽神射手,總共入咗22球,不過佢未去格魯吉亞搵食之前,幫貝迪斯踢73場都係入咗8球,另外為利雲特上陣54次亦係入得9球,可想而知佢嘅入球量暴增只係因為格魯吉亞聯賽水準低,並唔係佢進步咗。
來自北倫敦嘅熱刺會強陣出征,英超首輪一箭定江山幫球隊贏波嘅蘇爾達杜都有隨隊,雖然加里夫巴利仍然報稱受傷,唔知佢係蘊釀轉會定真係整親,但係熱刺陣中不乏好波之人,除咗蘇爾達杜之外,仲有荷西保連奴、基菲爾施古臣、迪比利、迪科爾、查迪尼同埋艾朗連儂等等,只要發揮出正常水準,今仗遠赴格魯吉亞仍然勝望甚濃,「讓主」有2.1倍絕對係筍盤。


比利時華雷根黑馬本色
同日比利時華雷根主場對塞浦路斯尼科西亞一戰亦有好介紹,雖然尼科西亞之前喺歐聯做過黑馬,大家對佢哋比較熟悉,不過佢哋今晚嘅對手華雷根並唔係善男信女,買上盤可謂十拿九穩。(周四17,香港時間周五2:45am開賽)
華雷根今屆之所以有份參戰歐霸,全因陣中嘅科根夏薩特有上佳演出,呢位車路士借將正正係夏薩特親細佬,兩人踢法相近,相信呢位20歲新星會幫到華雷根開出平手、半球上盤,贏尼科西亞先拔頭籌。

论坛精华