車仔讓兩粒 城竹在胸

2013-08-18 05:58:01 来源:互联网

實力加埋數據,就係今晚推介讀者買車路士「-2」嘅原因,因為升班馬侯城已經108年未試過作客擊敗藍軍,而且闊別英超6年嘅摩連奴,最叻就係旗開得勝,「讓主」一注傾「城」!(周日27,now620及621台周日11:00pm直播)

如果你覺得侯城冇乜頂級聯賽經驗,所以近108年作客車仔冇贏過嘅數據唔中肯,咁不如參考下摩連奴定律吖,狂人以往執教藍軍嘅時候,揭幕戰成績係1:0贏曼聯、1:0贏阿仙奴、3:0炒曼城同埋3:2擊敗伯明翰,加上佢擁有史丹福橋主場60仗不敗佳績支持,其實仲有乜好拗頸?
雖然車路士今晚會缺少大衛雷斯、域陀摩西斯同埋艾斯派古達,不過呢支英超勁旅人強馬壯,每個位置嘅替補人選起碼有2個或以上,呢幾位傷兵咪當休養生息囉!所以消息指桑馬達未必踢得都冇乜大不了,喺熱身賽踢到識飛嘅夏薩特同埋奧斯卡杜斯山度士仲可以合組雙核發電,奇雲迪布尼亦係穿針引線類型嘅球員,有咁好嘅配套,無論用盧卡古定費托打箭頭都殺無赦啦!
 

侯城首輪作客11年冇贏過
侯城方面,領隊布魯士期望一班新加盟球員可以提升實力,盡量同車路士抗衡,所以佢不諱言丹尼格拉咸、美羅費古羅亞同埋居迪斯戴維斯3位具備英超經驗嘅球員,今晚作客史福橋時肯定會孭重飛,不過熱刺孖寶侯度史東同埋積基李華摩亞投「城」只係一個星期左右,佢哋潛質再優厚都唔夠時間融合,默契上確實好輸蝕。其實計埋英冠同英甲在內,侯城上一次喺聯賽首輪作客贏波已經係2002年嘅事,當年佢哋以3:1擊敗艾斯特城,換言之過往11年嘅第1場作客賽事唔係輸就係和,慢熱得非常離譜,咁嘅步伐嚟到英超真係好危險,對車仔更加冇得剩。
足智彩今場都勁恨架,因為藍軍要讓兩球咁多,不過考慮到佢哋喺熱身賽好對辦,而且後防唔易失波,故此買「讓主」穩陣過買入球大,何況有2.25倍咁好嘅回報率,唔買點對得住自己

论坛精华