利物浦讓三球「尼」料

2013-07-20 07:17:56 来源:互联网

利物浦讓三球「尼」料

望穿秋水,終於都輪到利物浦展開亞洲之旅,佢哋早前喺英國本土已經開操,兼且喺熱身賽旗開得勝,故此飛去同印尼明星隊拍跳,照計都可以輕鬆奏凱,咪俾「-3」嚇親,放心捧「讓客」啦!(周六16,亞視國際台周六9:30pm直播)
印尼明星隊屎波到冇朋友,佢哋上周友賽先至輸俾阿仙奴0:7,全場表現乏善足陳,睇嚟同到訪嘅歐洲勁旅有好大嘅實力差距,咁又難怪嘅,呢隊印尼明星隊好少現役本土國腳,反而過氣嘅就有一大籮,最有名氣嗰位已經係曾效力阿德萊德聯嘅射手沙治奧雲迪克,但佢喺對陣阿仙奴嘅友賽形同虛設,講到尾都係因為冇供應囉!
利物浦上周喺英國本土友賽輕取普雷斯頓4:0,睇嚟班球員喺領隊羅渣士帶領之下,已經好快就上晒力,雖然鬧轉會嘅蘇亞雷斯要喺下一站澳洲先至歸隊,但係紅軍依然有唔少星級球員嚟到印尼,包括意大利射手波連尼、天才中場菲臘比古天奴、愈踢愈好嘅佐敦軒達臣、英格蘭國腳格連莊臣,同埋一對超硬朗嘅中堅丹尼爾艾格同史卡迪爾,連神奇隊長謝拉特都唔排除會上陣表演下身手,印尼嘅球迷真係有眼福喇!
足智彩今仗開讓球主客和好進取,利物浦要讓3球咁多,不過阿仙奴嚟到都炒7粒,故此紅軍就算打個5折,應該都有3至4球左右,整注1.83倍嘅「讓客」相信會啱啱好,大家一齊撐利記啦!

论坛精华