紅魔鬼友賽唔認真 澳職明星曼無一失

2013-07-20 07:17:24 来源:互联网

紅魔鬼友賽唔認真 澳職明星曼無一失


曼聯死性不改,佢哋已經揸流攤成癮,英超又係咁,友賽又係咁,今仗開赴悉尼同澳職明星隊交手,縱使有尹朗斯同迪基亞歸隊,但都好難讓得起主隊一球,讓球主客和搏「讓主」穩陣。(周六9,now632台周六5:30pm直播)

泰國明星隊上場友賽爆冷擊敗曼聯1:0,肯定令到澳職明星隊燃燒起鬥志,因為計人腳同埋實力,「澳星」遠遠凌駕於「泰星」之上,單係FC悉尼前鋒迪比亞路,同埋西悉尼流浪者中場小野伸二在陣,已經係信心嘅保證,佢兩位仲間接喺番悉尼嘅大本營度踢波,臨場必定有大把球迷支持,「澳星」食糊隨時都係靠呢對孖寶。
其實主人家對待今場友賽都幾認真架!因為好似中場米利根、尼高斯、門將尼敦高爾同埋同埋前鋒干洛皮恩本身都係澳洲國腳,全部有份入選東亞盃嗰份名單,但為咗呢場比賽竟然延遲回歸國家隊操練,態度真係一流,仲睇得出呢支澳職明星隊唔係拉雜成軍,邊個得閒就選邊個,真係揀到最強人腳嚟踢架!


紅魔陣容依然不整
隨住費格遜榮休,紅魔鬼呢期可謂諸事不利,首先斟人冇個成功,搞咁耐得個烏拉圭仔古利姆華利拿加盟,佢仲因為踢完世青而獲准延長休假,並且盛傳曼聯會即時借佢去小保加吸收經驗,即係得物無所用啦!另外,首場友賽就輸俾泰國明星隊,新領隊莫耶斯仲未展現到功架就算喇,佢仲口快快講咗當朗尼係後備嘅構思,搞到呢位英格蘭前鋒發晒火話要走人。
唯一令紅魔鬼球迷鼓舞嘅係尹佩斯同埋迪基亞已經放完假歸隊,前者仲喺澳洲同里奧費迪南打乒乓波,鬼死咁輕鬆,但據講呢位荷蘭國腳只會踢半場,所以敗家仔韋碧克仍然會擔大旗,加上查維亞靴南迪斯同埋香川真司呢兩位入球能力極強嘅球員未歸隊,曼聯始終未能夠排出最強人腳,故此今戰未必讓得起澳職明星隊一球,搏主隊重演「泰星」爆冷事件,「讓主」要得過!


曼聯死性不改,佢哋已經揸流攤成癮,英超又係咁,友賽又係咁,今仗開赴悉尼同澳職明星隊交手,縱使有尹朗斯同迪基亞歸隊,但都好難讓得起主隊一球,讓球主客和搏「讓主」穩陣。(周六9,now632台周六5:30pm直播)

泰國明星隊上場友賽爆冷擊敗曼聯1:0,肯定令到澳職明星隊燃燒起鬥志,因為計人腳同埋實力,「澳星」遠遠凌駕於「泰星」之上,單係FC悉尼前鋒迪比亞路,同埋西悉尼流浪者中場小野伸二在陣,已經係信心嘅保證,佢兩位仲間接喺番悉尼嘅大本營度踢波,臨場必定有大把球迷支持,「澳星」食糊隨時都係靠呢對孖寶。
其實主人家對待今場友賽都幾認真架!因為好似中場米利根、尼高斯、門將尼敦高爾同埋同埋前鋒干洛皮恩本身都係澳洲國腳,全部有份入選東亞盃嗰份名單,但為咗呢場比賽竟然延遲回歸國家隊操練,態度真係一流,仲睇得出呢支澳職明星隊唔係拉雜成軍,邊個得閒就選邊個,真係揀到最強人腳嚟踢架!


紅魔陣容依然不整
隨住費格遜榮休,紅魔鬼呢期可謂諸事不利,首先斟人冇個成功,搞咁耐得個烏拉圭仔古利姆華利拿加盟,佢仲因為踢完世青而獲准延長休假,並且盛傳曼聯會即時借佢去小保加吸收經驗,即係得物無所用啦!另外,首場友賽就輸俾泰國明星隊,新領隊莫耶斯仲未展現到功架就算喇,佢仲口快快講咗當朗尼係後備嘅構思,搞到呢位英格蘭前鋒發晒火話要走人。
唯一令紅魔鬼球迷鼓舞嘅係尹佩斯同埋迪基亞已經放完假歸隊,前者仲喺澳洲同里奧費迪南打乒乓波,鬼死咁輕鬆,但據講呢位荷蘭國腳只會踢半場,所以敗家仔韋碧克仍然會擔大旗,加上查維亞靴南迪斯同埋香川真司呢兩位入球能力極強嘅球員未歸隊,曼聯始終未能夠排出最強人腳,故此今戰未必讓得起澳職明星隊一球,搏主隊重演「泰星」爆冷事件,「讓主」要得過!

论坛精华