摩愛朗尼必有所圖

2013-07-19 05:18:15 来源:互联网

摩愛朗尼必有所圖

朗尼何去何從?頂爺噚日已經表明態度唔歡迎呢條肥仔嘜上車!之不過,車帥摩連奴前晚喺踢完與泰國明星隊嘅賽後記招上公開承認,對朗尼情有獨鍾,更澄清球會已開出3,000萬鎊轉會費,當中並冇涉及任何球員作交換,亦即係話之前吹出以大衛雷斯及桑馬達再補錢買朗尼嘅新聞純屬煲水,並同時聲明朗尼係佢唯一目標,若交易告吹,車仔都冇打算再向其他球員埋手。
頂爺一向對摩連奴推崇備至,佢既然咁鍾愛朗尼,我都尊重佢嘅決定,起碼買佢返嚟,可收此消彼長之效,令競爭對手曼聯實力進一步削弱,而車仔亦增添籌碼,話晒費托表現不穩,多個人喺前線作調配,點都好過冇吖!
德乙話咁快就喺今晚開鑼,頂爺睇好1860慕尼黑,呢隊波上季中俾中東財團收購,有心重返德甲,家陣聖保利讓平半,吼下盤博得過!

 

论坛精华