阿仙奴讓兩球掃「越」

2013-07-17 06:28:00 来源:互联网


阿仙奴讓兩球掃「越」

越南派支國家隊出嚟同阿仙奴拍跳,真係超認真兼俾足面,不過佢哋近4戰全敗,的確冇能力令到兵工廠失威,雖然預計今仗唔會再出現「客其他」,但讓兩球「讓客」點計都走唔甩,放心買!(周三10,亞視本港台周三8:00pm直播)
連埋東亞運錦標賽同埋亞洲盃外圍賽在內,越南國家隊已經連輸4場兼5戰不勝,踏入2013年之後更加冇贏過波,佢哋輸俾泰國同阿聯酋尚算情有可原,但係較早前打和緬甸兼輸埋俾菲律賓呢啲亞洲三、四線球隊就真係有點兒過份,就連3月份作客嚟到香港亦輸0:1,點信得越南呀?
好多歐洲球隊嘅第1場友賽都輸波,包括曼聯、曼城、愛華頓同埋巴黎聖日耳門,不過阿仙奴就特別威水,因此佢哋以7:0狂數印尼明星隊,普多斯基、基奧特同埋禾確特呢班球星全部有士哥,雖然話新援耶耶辛洛高未趕得切嚟報到,辛迪卡索拉同蒙利爾又因為踢完洲際盃而獲准遲歸隊,隊長華美倫更加觸傷舊患冇嚟,但由於阿仙奴嘅原班人馬非常有默契,而且好似路斯基同阿迪達等人都唔係泛泛之輩,所以蹂躪印尼明星隊都好合理,單係隊型已經差好遠。
雖然越南國家隊戰績係差,不過佢哋始終係國腳,唔係好似啲所謂明星隊咁樣拉雜成軍,故預期佢哋最後唔會輸夠半打咁離譜,只係阿仙奴順開有條路,放開嚟打一定會踢到水銀瀉地,故此「讓客」仍然走唔甩,買兵工廠包你有錢賺!

论坛精华