法卡奧處子戰即有士哥

2013-07-16 07:47:14 来源:互联网

法卡奧處子戰即有士哥

雖然個轉會窗未完,但都幾肯定法甲豪門摩納哥會成為使得最多錢嘅一隊,單單法卡奧加上波圖雙星,都已經用咗摩納哥成億歐羅,當然後防如艾比度及卡華奴都唔使錢,但人工支出都唔平。不過佢哋未停手喎,傳佢哋極可能以1,000萬歐羅打包AC米蘭嘅羅賓奴及安東連尼,睇嚟佢哋真係諗住成隊波換晒佢喎﹗
其實摩納哥都真係有必要買人嘅,前日佢哋踢熱身賽,正選用上上季升班主力,結果半場輸俾降咗落德乙嘅杜塞爾多夫0:3,之後摩納哥一口氣換晒班球星入嚟,即時就追番2球,法卡奧都有波入架,而最終雖然摩納哥輸2:3,但雲尼亞里都話達到目的啦,好明顯佢咁排陣法好似想話比上年班功臣聽,出你哋都唔夠班乙組仔打,打法甲更加唔夠班,認真無情!但事實會唔會係雲尼亞里你自己辭職走先,換個有料教頭會好啲呢?

 

 

论坛精华