加納輕取伊拉克獲季

2013-07-15 07:32:24 来源:互联网

加納輕取伊拉克獲季

法國雖然強勢摘冠,但就同烏拉圭上演一場悶戰,還好早場季軍戰一如所料多波入,令觀眾不致於呆坐電視前5個鐘;世青盃季軍戰,上場迫到法國入絕境嘅加納一如所料打高一線,以3:0大勝神奇球隊伊拉克取得季軍,而佢哋射手艾舒夫亞以6個入球成為賽事神射手,睇怕都必定會有歐洲大球會睇中成功脫貧。
加納上一戰強攻法國只係輸運,相對伊拉克殺入淘汰階段後場場惡戰,唔少都只係僅僅過關,難怪呢場波有啲高下立見情況出現;上半場35分鐘,艾譚馬接應角球頂入成1:0,到完半場前補時階段,射手艾舒夫亞射成2:0,呢個亦係佢今屆賽事第6個入球,成功超越葡萄牙之布馬,及西班牙之謝斯洛迪古斯獨霸神射手寶座。
到下半場伊拉克似乎已呈半放棄狀態,反而加納仍有進攻動力,78分鐘艾治邦突破越位再下一城,加納大勝3:0取得本屆世青季軍。
 

论坛精华