車仔阿仙奴強陣訪亞

2013-07-13 11:46:52 来源:互联网

車仔阿仙奴強陣訪亞

英超勁旅喺今個夏天塞爆亞洲,除咗曼聯之外,車路士同樣到咗泰國,仲係精銳盡出添,得幾位有份踢洲際盃嘅球員冇份咋!至於阿仙奴亦都啟程去越南,但係兵工廠新援未嚟得住,隊長華美倫又因傷缺陣,感覺上就流流哋喇!
車路士下星期會同泰國明星隊友賽,除咗桑馬達同埋費蘭度托利斯幾位踢完洲際盃嘅球員之外,另外17名正規軍都有隨軍,仲包括埋新援舒賀爾尼、舒華沙同埋雲堅基爾,作為球迷真係可以大飽眼福,仲順手檢閱下新兵實力添!
越南球迷就冇咁好福氣喇,因為阿仙奴冇辦法派強陣出征,因為新援耶耶辛洛高仲踢緊世青盃,隊長華美倫同又傷咗,加上最好波嗰兩件辛迪卡索拉同埋蒙利爾踢完洲際盃而免役,呢隊兵工廠真係毫無睇頭,快手啲斟蘇亞雷斯啦!
 

论坛精华