拖肥借巴塞小將迪魯費

2013-07-12 08:34:02 来源:互联网

拖肥借巴塞小將迪魯費

愛華頓又簽人喇!雖然今次加盟嘅19歲小將迪魯費只係借用性質,但係佢上季幫巴塞隆拿B隊喺西乙上陣33場射入18球,效率可謂相當驚人,難怪拖肥糖新領隊馬天尼斯形容,迪魯費係西班牙球壇嘅鑽石,新一季英超大家落足眼力啦!
繼干尼、祖爾羅比斯同埋艾卡拉斯之後,迪魯費將會成為愛華頓第4位新加盟球員,佢已經9秒9去咗奧地利參加拖肥糖集訓,呢位19歲嘅射手仲話,雖然啱啱踢完世青盃而搞到冇假期,但自己真係急不及待隨大軍操練,又揚言之前同美斯等一級球星練波,會對佢未來發展好有幫助,祝佢喺英超茁壯成長啦!
 

论坛精华