摩納哥3星報到

2013-07-11 07:39:52 来源:互联网

摩納哥3星報到

摩納哥3星報到!暫時以6,000萬歐元(約6億港元)轉會費做緊夏季標王嘅法卡奧,終於抵達法國向呢支升班馬報到,席間除展示來季嘅9號波衫外,更一再重申自己唔係為錢,而另外兩位新兵摩天奴同占士洛迪古斯亦前後腳出席記招。
法卡奧話選擇加盟摩納哥之後,身邊好多人都話佢揀錯,但呢位哥倫比亞射手強調唔係見錢開眼,一切只因聽咗摩納哥嘅發展大計。佢仲話目標係要入好多好多波,助球隊一升上法甲就攞聯賽冠軍,藉此塞住一眾批評者把口。
法卡奧之前為馬體會上陣62場入52球,而佢踢波圖期間嘅入球能力仲強,最清楚嘅莫過於曾經做過隊友嘅摩天奴及占士洛迪古斯。佢兩個咁啱又係新加盟摩納哥,幾位前波圖隊友可以聚舊啦!另外,葡萄牙老將卡維奴同埋抗癌戰士艾比度已經喺日前嚟向呢支富貴升班馬報到,個陣容真係星光熠熠呀!
 

论坛精华