舊生下盤有「路」可尋

2013-07-10 07:39:51 来源:互联网

舊生下盤有「路」可尋

南美自由盃明早上演生死一戰﹗明尼路喺4強戰首回合0:2不敵紐維爾舊生,次回合番到主場不容有失,不過紐維爾舊生整個賽季表現都極之平穩,而且陣中有數個揹得飛之精兵,似乎明尼路要收復前失都唔係咁易,客軍受讓半一絕對可以一試。(周三15,有線61及201台周四8:50am直播)
南美自由盃呢個巴阿對碰都的確有冠軍前哨戰意味,事關另一邊廂無論名氣星味都不及呢兩支球隊,所以今場邊隊出線決賽都已手執盃耳。事實上,紐維爾舊生今屆喺自由盃所表現之決心的確史無前例咁大,佢哋攞到秋季錦標後已全力備戰,雖然喺阿甲總決賽欠運下不敵沙士菲,但球隊勝在有軒斯及麥斯洛迪古斯等多名經驗豐富球員壓陣,一場過後迅速調整已可喺上仗擊敗明尼路,最重要係首回合冇失作客入球,今戰如能喺對方主場有進帳,都幾可肯定晉級。
當然,以明尼路之陣容及能力,今戰絕對有能力反勝3球;球隊上戰喺本土巴甲賽事已盡出11名副選應戰,好讓祖奧、基拔圖施華以及朗拿甸奴三大主力養精蓄銳一戰,但問題係,以上三人除祖奧之外都已過高鋒期,過去一季經常顯示出狀態起伏不定之情況,何況紐維爾舊生明知係攻擊點何在,專人防範都只係舉手之勞,而且形勢上明尼路今場焗攻,只會造就更多空間予紐維爾舊生大打反擊,但明尼路陣中並未有一人跟得上伊拿斯奧史高高之高速,恐怕呢名阿根廷邊緣國腳會有極多入球良機,所以今場明尼路絕對讓唔起半一,捧下盤絕對「明」智。

论坛精华