祖記求反彈半大穩開

2021-02-22 11:46:42 来源:网络

今輪意甲壓軸戰,祖雲達斯主場迎戰克羅托內,祖雲達斯上場歐聯輸波,遭遇作客2連敗,今場返回主場對聯賽包尾嘅克羅托內,正係爭取重敲勝鼓嘅好機會,勢必搶攻。克羅托內不設防,往往比賽早段已失波,可追中位數1.5球嘅半場大。(myTV Gold 301、Now 638、有線654及614台周二凌晨3時45分直播)

祖雲達斯近3場比賽只有1和2負,但考慮到對手係勁旅國際米蘭、拿玻里、波圖,成績欠佳情有可原。呢支意甲班霸根基雄厚,加上今場有地利,表現應該會反彈。事實上,祖雲達斯近4場聯賽主場全勝,其中3場上半場已經取得入球,預料今場可以迅速攻破克羅托內防線。

克羅托內有前冇後
至於克羅托內近4場意甲全敗,合共失咗11球,近10場聯賽更加有6場上半場失2球或以上。不過,克羅托內攻力尚算不俗,近10場聯賽亦有5場上半場可以取得入球。既然克羅托內踢法開放,半場大值博。