里爾碰南主W食胡

2020-09-25 10:02:34 来源:网络

周六凌晨有場法甲獨腳戲,里爾主場鬥南特;里爾今季雖然放走域陀奧森漢及加比爾馬加希斯兩大主力,不過表現冇受影響,再加上佢哋近4次聯賽對南特全勝,充滿格食格味道,主場出擊可睇高一線。

(myTV Gold 302、Now 639、714、有線655及615台周六凌晨3時直播)

里爾雖然放走兩位主力,但一如以往保持穩定演出,聯賽開季4戰2勝2和,係目前聯賽3支不敗之師之一,新加盟嘅加拿大前鋒約拿芬大衞火速融入球隊,配合路易斯阿拿奧祖、伊干尼及莊拿芬班巴等舊將,鋒力絲毫無損;後防方面,葡萄牙老將荷西方迪及荷蘭中堅保治文頭4場全部踢足,合共僅失2球,防守硬淨冇後顧之憂。

南特近4次交鋒全敗
南特開季4戰僅1勝,表現唔算標青,佢哋近年成績最好係2017/18球季,當年喺意大利名帥雲尼亞里領軍下,頭10輪聯賽攞到6勝2和2負,最終以聯賽第9名過終點,自此之後4次聯賽鬥里爾全部輸晒,實力同里爾已愈拉愈遠,今場作客凶多吉少,主勝穩開。