德乙紐倫堡再追半場和

2020-06-28 09:48:14 来源:网络

德乙今晚煞科,9場比賽全部喺晚上9點半開波,《東網》兩場直播集中喺護級賽區;先講基爾主場對紐倫堡,排第15嘅紐倫堡(下圖)目前領先尾3嘅卡爾斯魯厄2分,但得失球差輸蝕,如果佢哋和波或輸波,卡爾斯魯厄喺另一邊廂擊敗格雷特霍夫,紐倫堡就要踢附加賽,即使係咁相信佢哋作客會睇定嚟踢;紐倫堡復賽後8場聯賽有6次開半場和,今場不妨再追。

韋恩讓唔起聖保利
另一場《東網》直播由韋恩主場對聖保利,韋恩同包尾嘅特雷斯登一樣得31分,落後尾3卡爾斯魯厄3分之餘,得失球差仲輸成條街,韋恩同特雷斯登基本上已冇得救,而且韋恩近7場聯賽輸6仗,今場仲有聯賽入19球嘅首席射手舒查夫拿停賽,何來本錢讓波?捧聖保利讓球客勝。(on.cc東網直播)