哀兵曼城細盤打卡

2020-06-28 09:43:41 来源:网络

今晚英足盃尾場紐卡素主場硬撼衞冕曼城。曼城上周中輸波失落聯賽錦標,球員身心俱疲,加上近年造訪「喜鵲」入波唔多,3.5球細盤值捧場。(周一凌晨1時30分開賽)

曼城上周中聯賽作客不敵車仔,衞冕失敗,講真失冠係意料中事,依家惟有集中火力爭英足盃及歐聯。不過王牌射手阿古路至少要抖到8月,冇咗呢位入球機器,對「藍月亮」進攻影響唔細。主帥哥迪奧拿強調全民皆攻,不過加比爾捷西斯(右圖)今季狀態一般,就算用埋史達寧客串影子前鋒,效果都係麻麻。

紐卡素防守硬淨
另一邊廂,受沙特阿拉伯王儲快將入主嘅消息刺激,紐卡素復賽首仗大勝錫菲聯3比0,上周中則畀阿士東維拉逼和1比1。「喜鵲」近6仗有5次總入球開3球或以下,當中合共只失4粒,防守硬淨。況且佢哋近年主場對曼城表現唔失禮,近6對碰只輸過兩場,其中5次開3球或以下,一場過淘汰賽兩隊隨時踢得更保守,3.5球細盤趁早買。