修咸頓硬淨唔赦殘「兵」

2020-06-25 09:40:13 来源:网络

英超復賽後連輸2場嘅阿仙奴,周五凌晨作客修咸頓迎接9日內第3場賽事,而且3場都係作客,「兵工廠」喺密集賽程下出現大量傷兵,尤其後防線可以話係天殘地缺,無論體能及精神上均現疲態。踢法硬淨嘅修咸頓專剋阿仙奴,今場受讓值得支持,捧讓球主勝。

(Now 621周五凌晨1時直播)

阿仙奴4中堅缺陣
阿仙奴復賽首仗吞曼城3蛋,之後作客白禮頓再輸1比2,唔單止成班球員缺態,今場征戰修咸頓更加要殘陣出擊,除咗4位中堅柏保維拿、柏柏斯達夫普路斯、哥林張伯斯及大衛雷斯分別受傷同停賽,防守中場盧卡斯托拉拿亦因傷倦勤,賽前更有門將賓特尼奴同前鋒加比爾馬天尼利重傷提早收咧嘅壞消息,「兵工廠」領隊阿迪達想變陣都冇得變。

修咸頓復賽後狀態相當唔錯,上場作客3球大炒諾域治,前鋒丹尼艾格斯狀態幾弗。「聖人」嘅硬朗踢法一向剋住阿仙奴,過去8次聯賽主場對「兵工廠」有7次不敗,錄得3勝4和1負成績,今場受讓值得追捧。