不來梅大盤啱數

2020-06-03 07:45:36 来源:网络

護級心切喪攻鬥法
周四凌晨上演德甲補賽獨腳戲,雲達不來梅主場迎戰法蘭克福。不來梅近3場聯賽2勝1和,護級出現曙光,必藉主場之利繼續搶攻求3分;法蘭克福上場作客擊敗禾夫斯堡,狀態亦有回勇迹象,睇番兩軍近7次聯賽交鋒,一共合力炮製24個入波,總入球皆達3球或以上,捧中位數2.5球大盤最好路。

(Now 671、有線652及612台周四凌晨2時30分直播)

雲達不來梅復賽後首仗雖以1比4不敵利華古遜,不過當時對手無論實力、狀態皆比自己優勝,輸波情有可原,之後佢哋對住實力較弱對手,結果踢出護級決心,連續3場鬥弗賴堡、慕遜加柏及史浩克04攞得2勝1和,暫時以28戰得25分排尾2,落後多踢1場嘅杜塞爾多夫2分,只要今場贏波就可以壓過後者升上尾3,主場出擊點會唔搏盡。

法蘭克福防線欠穩
法蘭克福重開頭2場聯賽先後不敵慕遜加柏及拜仁慕尼黑,好彩上場作客以2比1擊敗禾夫斯堡,得以28戰32分回升至第12位,護級壓力暫時得到紓緩。葡萄牙前鋒安達施華及日本國腳鎌田大地連續2場有士哥,腳風不俗,不過連同停擺前聯賽,法蘭克福近8場聯賽只有1場冇失波,全部總入球開3球或以上,防線唔算太穩陣。單計聯賽交鋒,兩軍對上7次各贏2次,其餘3次打和,表現平分秋色,考慮到以上7場比賽每次至少都有3球交收,今場再追大盤啱數。