護級博老命不來梅掃克

2020-05-30 08:35:41 来源:网络

德甲中游球隊史浩克04,主場迎戰護級形勢水深火熱的雲達不來梅。史浩克04爭入前4無望,又不愁降班,屬正宗風流波,球隊爭勝決心一般,反觀雲達不來梅要為護級奮戰,每場均屬生死戰,而且該隊近年作客史浩克04贏多輸少,今場推介讓球客勝。

(Now 670、有線651及611台周六晚9時30分直播)

史浩克04今季成績中規中矩,暫時排在聯賽中游位置,佢哋舊年11月底曾經一度上到聯賽第3,但最大問題係球隊喺歇冬後,僅曾於主場贏過慕遜加柏2比0,跟住就不斷和波及輸波,至今已12場不勝。

史浩克頹爆12場不勝
德甲重開後,史浩克04表現未見改善,頭3場賽事均告敗陣,先喺魯爾區打吡以0比4大敗於「蜜蜂兵團」多蒙特腳下,其後返主場再以0比3負於奧格斯堡,周中作客杜塞爾多夫又以1比2落敗,今仗匆匆再戰不來梅,以其狀態實難以睇好。

雲達不來梅今季長期喺榜下游掙扎,聯賽重開後首仗主場1比4大敗畀狀態巔峰嘅利華古遜,次仗作客即以1比0戰勝弗賴堡,周中以0比0守和前列嘅慕遜加柏,搶分鬥志高昂。今仗作客史浩克04,有靚絕往績支持,近6次作客史浩克04,共取得4勝1和1負,絕對係搶分好時機,今場仲獲得受讓,必捧讓球客勝。