史特加漢堡大駁火

2020-05-28 11:08:51 来源:网络

升班關鍵戰冇得縮
今晚德乙上演爭升班大戰,史特加主場激鬥漢堡。史特加現時落後漢堡1分,今場係奪取前2位直接升班資格嘅黃金機會,勢必主攻求勝。漢堡今季14場聯賽作客只有1場冇失球,一於博中位數2.5球嘅入球大。(myTV SUPER周五凌晨2時30分直播)

史特加喺德乙重開後接連不敵韋恩及基爾,2場合共失掉5球,形勢上史特加已再冇失分空間,今場趁有主場之利,一定要搶3分,重奪直接升班嘅主動權。史特加有一大利好因素,佢哋係今季德乙主場成績最好嘅球隊,13場聯賽主場取得10勝1和2負,合共轟入27球,火力夠晒猛,今場必藉主場之利狂攻對手。

漢堡近期作客旺開大
漢堡上場主場以0比0悶和德乙「1哥」比勒費爾德,聯賽重開後兩戰都和波,表現一般。漢堡同今場對手史特加一樣主強客弱,近12場聯賽作客僅得1勝,而且自季初以4比0大勝紐倫堡之後,漢堡打後13場聯賽作客場場有失波,當中近5場作客就有4次總入球開3球或以上。

不過,考慮到漢堡今季聯賽已入50球,鋒力比史特加並不遜色,作客有本錢駁火。預料兩支球隊今場會鬥攻,捧中位數2.5球嘅入球大最穩陣。