遇神殺神!聖保利主場勁爆登

2020-05-27 08:56:28 来源:网络

德乙聯賽,聖保利主場迎戰海登咸。聖保利聯賽排名雖然不及對手,不過主場出擊卻係信心保證,相反4哥海登咸作客表現反覆,就算需要搶分爭升班亦恐怕力有不逮,聖保利主勝值得支持。

(myTV SUPER周四凌晨零時30分直播)

聖保利暫排聯賽榜中游位置,為免捲入降班漩渦,現階段未可過分放軟手腳。聖保利對上一次主場聯賽輸波已經係去年11月嘅事,之後6場聯賽主場共獲4勝2和,對手包括榜首隊伍比勒費爾德及聯賽榜3哥史特加,而且聖保利季初亦曾經喺主場擊敗另一支爭標熱門漢堡,表現充滿說服力。

近10次交手主隊贏9次
海登咸現時落後2哥漢堡2分,由於漢堡明晚先會作客鬥排第3位嘅史特加,海登咸今場贏波即可進佔次席,戰意唔需要懷疑,不過海登咸今季作客表現時好時壞,聯賽停擺完首仗便曾作客淨吞波琴3蛋,加上今場兩隊對上10次交鋒,有9次均由主場一方勝出,地利優勢非常明顯,主場出擊嘅聖保利較為值得睇好。