格雷特霍夫主場開大餐

2020-05-26 10:07:01 来源:网络

德乙周中快車,格雷特霍夫主場對奧斯納貝克準備開「大」片,格雷特霍夫上場先開紀錄之下連失2球,踢到補時先入波驚險逼和漢堡2比2。事實上,格軍近6場聯賽主場有5場總入球係3球或以上,遇上不設防嘅奧斯納貝克,中位數2.5球入球大值得留意。(myTV SUPER周三凌晨零時30分直播)

格雷特霍夫今季聯賽入咗39球,但同時失咗35球,屬於典型有前冇後嘅球隊,特別係主場出擊非常進取,除咗打和漢堡2比2之外,亦曾經同比勒費爾德合力製造6個總入球,近6場聯賽主場有5場總入球開3球或以上,其中4場更加達到4球或以上。

奧斯納貝克不設防
至於奧斯納貝克表現持續低迷,近10場聯賽未贏過,只取得4和6負,同埋防線非常脆弱,包括以2比6慘敗給韋恩,上場主場亦以2比4不敵漢諾威,近4場有3場總入球達4球或以上。

值得一提嘅係,奧斯納貝克近3次作客格雷特霍夫全敗收場,合共失咗13球,簡直係中門大開,預料今場好可能又會合演「入球騷」。