利華割禾冇手軟

2020-05-26 10:00:17 来源:网络

爭歐聯入場券去到盡
今季德甲前列爭持激烈,唔計榜首拜仁及多蒙特,第3位至第5位球隊只有2分差距,邊隊攞到歐聯入場券仲有排爭。4哥利華古遜、5哥慕遜加柏今晚分途出擊,其中利華古遜計埋停擺前成績,各項賽事近12場攞到11勝1和,狀態弗到漏,主場讓得起禾夫斯堡半一,上盤捧得過。(Now 671、有線652及612台周三凌晨2時30分直播)

利華古遜上場聯賽作客3比1擊敗慕遜加柏,聯賽連盃賽近12場11勝1和,如果單計主場更7戰全勝,加埋轟入20球,水準非常穩定。新星夏維斯狀態大勇,聯賽重開後連續2場梅開二度,個人喺2020年各項賽事上陣15場,射入11球及交出7次助攻,就算射手禾蘭繼續養傷,進攻火力亦唔需要擔心。

禾夫斯堡上場主場0比2不敵多蒙特,暫以39分排第6位,比起第11位嘅哈化柏林只多5分,歐霸席位同樣爭崩頭。

禾夫斯堡遇強即屈
禾堡上場輸畀多蒙特明顯技不如人,而且佢哋今季鬥強隊亦輸多贏少,包括主、客兩循環被多蒙特雙殺,首循環鬥拜仁慕尼黑及利華古遜同樣輸波,實力同前列球隊有距離,依家嘅利華狀態比季初有過之而無不及,禾堡作客更難爆冷,利華讓半一,波童建議捧上盤。