榜首戰漢堡上盤贏德

2020-05-24 08:36:04 来源:网络

今晚德乙上演榜首大戰,「2哥」漢堡主場硬撼「1哥」比勒費爾德。雙方上輪齊齊打和,但比軍因其他勁敵失分而獲益,將領先優勢稍為拉開至7分,隨時鬆懈,漢堡為保「直升」戰意旺盛,少讓平半可捧上盤。(myTV SUPER周日晚7時30分直播)

比勒費爾德戰意鬆懈
比勒費爾德上輪大部分時間領先之下,竟喺補時失守遭奧斯納貝克逼和,好彩原本排次席嘅史特加倒灶,反而將優勢擴大,領先依家「2哥」漢堡7分,無論係爭冠定前2嘅直接升班資格,都非常有利,難免會有所鬆懈。查實比軍上場領先後一直想拖到完場,點知畀對手尾段嘅高空轟炸炸散,可謂咎由自取。何況眾將狀態認真麻麻,例如久傷初愈嘅陣中2號射手禾格斯森馬,後備入替表現一般,而且右閘薛迪般拿累積5張黃牌,今場要坐波監,對防守有一定影響。

漢堡在上輪亦係臨尾香,作客畀格雷特霍夫逼和2比2,幸好史特加倒灶輸波,同分之下憑較佳得失球升上次席,總算喺爭前2嘅直接升班席位搶得主動權。漢堡主客演出反差大,同客場腳軟相比,佢哋喺自己地頭出擊零舍有信心,今季12場聯賽主場取得9勝1和2負,包括大破史特加6比2,係今季德乙主場成績第三佳球隊,主場威力不容小覷,為保「直升」位戰意必堅,上盤值得捧場。