紐倫堡奧厄做慣大騷

2020-05-22 08:32:11 来源:网络

另一場德乙賽事由紐倫堡主場迎戰奧厄,紐倫堡要搶分護級,對住近6場作客輸5場嘅奧厄必全力搶攻;兩軍近5次交鋒合力炮製22個士哥,總入球全開3球或以上,捧中位數2.5球大盤最好路。(myTV SUPER周六凌晨零時30分直播)

紐倫堡爭上岸實搏
紐倫堡上場作客0比1不敵聖保利,連同停擺前聯賽近4場輸3場,依家排第15位,只比尾2嘅卡爾斯魯厄多2分,為搶分護級一定要搏盡,不過佢哋今季26場聯賽失46球,同卡爾斯魯厄並列聯賽失波最多球隊,而且單計主場聯賽13場只有3場冇失波,正選門將馬菲尼亞上周領紅牌被逐,今場需要坐波監,防線不穩絕對有失波危機。

奧厄上場重開後首戰主場以3比1擊敗辛特侯遜,暫以26戰得37分排第6位,落後第3位嘅史特加8分,數字上仲有機會爭升班,不過佢哋今季作客成績差到爆,13戰僅1勝4和8負,排德乙尾2,要作客搶分唔容易。呢場比賽雙方都有缺點,與其估勝負,不如轉捧入球大更佳,事關兩軍近5次交手總入球全開3球或以上,包括今季首循環奧厄開「主其他」波膽,相信今場亦會係一場大手交易。