科隆返晒嚟撐主W

2020-05-17 09:26:42 来源:网络

今晚另一場德甲由科隆主場鬥緬恩斯,今場係緬恩斯現任教頭比爾羅斯亞倒戈之戰,不過科隆季初炒咗佢之後,戰績全面冒升,近6場主場聯賽只輸過畀班霸拜仁,其餘5場贏晒,簡單捧主W。

(Now 671、有線612及652台周日晚9時30分直播)

比爾羅斯亞季初執教科隆,頭11輪聯賽只得2勝1和8負排第17位,球會高層為免太遲冇得救,上年11月中就炒咗佢,由前漢堡教練基斯度接手。基斯度上任後科隆表現脫胎換骨,停擺前11場聯賽攞到8勝3負,3場輸波對手分別係拜仁、多蒙特及慕遜加柏,單計主場近6戰贏5場,值得信賴。

緬恩斯換帥冇起色
緬恩斯頭11場聯賽3勝8負,咁嘅成績換教練亦合情合理,可惜佢哋搵咗比爾羅斯亞過嚟,暫時都係冇咩大起色,未計昨晚賽事緬恩斯排喺第15位,只比尾3嘅杜塞爾多夫多4分,而且佢哋今季25場聯賽輸15場,只係好過包尾嘅柏達邦,今次作客睇怕凶多吉少。