曼城大盤有作維

2020-01-12 09:15:51 来源:网络

前線回勇後防冇改善
回勇嘅曼城周一凌晨作客阿士東維拉。「藍月亮」近期火力返晒嚟,不過防守問題未改善,對住有進攻好手基亞利殊壓陣嘅維拉,未必保得住清白之身,呢場好易開入球騷,吼中位數3.5球大盤。

(Now 621周一凌晨零時30分直播)

兩支英聯盃4強代表周中喺首回合賽事都有登場,曼城喺打吡戰作客以3比1擊敗曼聯,再次確立「藍月亮」喺曼市嘅統治地位。查實曼城經過早期一段小低潮後,近況回勇,除加比爾捷西斯同奇雲迪布尼連番擔起球隊入球重任之外,阿根廷前鋒阿古路都已經傷愈復出,前線威力倍增,加上早前英足盃同英聯盃賽事大放異彩嘅馬列斯同菲爾科頓等攻擊好手,領隊哥迪奧拿不愁冇炮台。

不過,「藍月亮」一直受後防問題困擾,喺冬季轉會窗未有落實任何交易前,曼城中後場漏洞仍然未能改善,尤其每逢作客更加將問題放大。曼城近8場作客賽事得1場保持不失,合共失咗12球,作為前列球隊呢個數字絕對唔合格。

維拉近6戰5仗入波
維拉雖然聯賽位列第17位,但由基亞利殊所領導嘅中前線威力不俗,上仗喺英聯盃4強首回合面對勁敵李斯特城,維拉喺比賽場面被動嘅情況下依然入到波,可見反擊效率唔講得笑,計埋呢場波,佢哋近6戰有5仗可以取得入球。對住同樣鍾意控球在腳而且後防又脆弱嘅曼城,維拉有本錢同曼城鬥攻,中位數3.5球入球大唔好錯過。