山度士追殺施亞拉

2019-10-17 17:11:06 来源:网络

周五早上多場南美波,阿King度條過關幫大家搵餐晏。重心巴甲山度士主場鬥施亞拉,山度士為確保直入自由盃冇得鬆懈,兼且班波整體質素高,要喺下游分子施亞拉身上搶分難度不大,讓球主勝值博。

(周五早上6時15分開賽)

山度士今季喺阿根廷主帥森柏奧利帶領下,暫時排喺巴甲積分榜第3位,除要力保前6直入來屆自由盃,還有機會趁「1哥」法林明高分神應付自由盃,發力追上榜首。山度士近期主場特醒,繼2比0擊敗阿拉戈亞諾,上仗又派勁敵彭美拉斯雙蛋,今輪迎戰近3作客全敗嘅施亞拉,山度士數2粒冇難度,捧讓球主勝。

同時間開波嘅另一場巴甲,艾華爾主場撼國際體育會,國體會有域陀古斯達同拿費爾蘇比斯等主力缺陣,實力大減,對住弱旅艾華爾都冇把握穩勝,捧艾華爾讓球主勝好過。另外,智甲智利大學主場同伊基克爆發護級大戰,智大入得又失得,近6仗5次開3球或以上,今仗中位數2.5球入球大玩得過。

(周五早上8時開賽‧馬會網上文字直播)