華盛頓聯玩鋪大

2019-06-12 10:15:28 来源:网络

費城聯入得又失得
周四早上美聯盃第4圈好戲連場,阿King度咗條心水過關。重心華盛頓聯隊主場迎戰費城聯,費城聯防線甩漏問題嚴重,好彩中前場夠爭氣,近期頻頻同對手鬥攻,呢場造訪華盛頓聯隊入波肯定唔少,入球大值得留意。(周四早上7時開賽)

費城聯今季開局表現超乎預期,高踞東岸榜首,不過近期適逢國際賽期,唔少球隊因主力踢太公波受到影響,費城聯都唔例外,兩位守將麥克麥堅斯同馬菲里爾,就隨美國U20踢緊世青盃,為後防留下隱患,上仗面對紐約紅牛就曾經兩度失守,好彩一班前鋒挺身而出,其中巴西老將伊仙奴梅開二度,計埋呢場波,費城聯近4仗3次開3球或以上,嚟緊對住有英格蘭前鋒朗尼壓陣嘅華盛頓聯隊,兩軍有望演入球騷,入球大值博。

海灣者3連敗讓唔起伐木者
同日仲有明尼蘇達聯主場鬥肯薩斯體育會,肯薩斯有莊尼羅素同基斯頓尼美夫兩位主力射手被國家隊徵召,大大削弱進攻火力,預料呢場士哥唔會多,直取入球細。最後西雅圖海灣者喺中立場面對波特蘭伐木者,海灣者近3仗輸晒狀態曳爆,仲有頭號射手雷迪亞斯缺席幫秘魯踢美洲盃,難有本錢讓波,捧番讓球客勝好過。