美斯弗番巴塞半場打爆里

2019-03-13 10:17:00 来源:互联网

同晚另一場歐聯16強次回合,就係巴塞隆拿主場鬥里昂。巴塞首回合0比0畀對手摸和,返到主場肯定全力爭勝,尤其球隊近期有球王美斯回勇走勢強勁,隨時一開波就搶攻,直取半場主勝。

(Now 644、有線602及662台周四凌晨4時直播)

巴塞首回合雖然同里昂0比0打成平手,不過至此之後強勢一發不可收拾,近4仗賽事全勝,其中先後分別喺西盃同聯賽,連續兩次擊敗死敵皇家馬德里,士氣正盛,當中表現最搶鏡嘅依然係王牌美斯,佢近排同阿根廷國家隊傾掂數,宣布將會重披藍白戰袍,似乎要為嚟緊6月出戰美洲盃鋪路,美斯同阿根廷球迷關係不嬲愛恨交纏,不過佢一直不死心想為國家隊爭冠軍,為此佢肯定會搏盡維持高水平狀態。查實阿根廷球王今屆歐聯已入6球,腳風夠順,呢場有佢壓陣,巴塞絕對有力籍主場之利先發制人。

里昂歐聯作客差幾班
里昂首回合主場摸和強敵巴塞,表現已經好抵讚,不過去到客場就唔同講法,里昂近3場作客取1和2負,發揮明顯差幾班。況且巴塞近5場歐聯主場,全部半場就搶得領先優勢,呢場乘主場之利隨時再先下手為強,半場主勝有計。

赢家联盟