李城海鮮波熱刺上盤要得過

2019-02-10 09:02:28 来源:互联网

「3哥」熱刺今晚早場於溫布萊主場布陣迎戰李斯特城!熱刺早前雖受傷兵問題困擾,好彩有狀態大勇嘅孫興民撐起球隊;李斯特城表現時好時壞,穩定性遠遠不及決心十足嘅主隊,熱刺讓半一必捧上盤。

(Now 621周日晚9時30分直播)

熱刺神鋒哈利卡尼及中場迪利阿里之前接連受傷,結果搞到球隊先後喺英聯盃及英足盃被淘汰出局,好彩南韓國腳孫興民踢完亞洲盃後及時回歸,而且聯賽鬥屈福特及紐卡素都有士哥,帶領球隊全取6分,唔單止令熱刺繼續穩佔前3名,而且只比曼城少5分,保持爭標機會。據英國傳媒報道,哈利卡尼及迪利阿里已經復操,就算趕唔切復出,但對整體士氣肯定有正面幫助。

聯賽交手狐狸未威過
「狐狸」李城上場聯賽以0比1不敵曼聯,表現其實唔算差,如果唔係領隊佩爾下半場中段換走表現突出嘅中場占士麥迪臣,李城有權搶分而回。「狐狸」依家排聯賽榜中游,成績算係比上不足、比下有餘,但佩爾一直都係被炒領隊大熱,有幾多料一眼睇晒。李城今季既可擊敗曼城、車路士及打和利物浦,卻又曾經輸畀卡迪夫城、修咸頓及水晶宮等護級球隊,水準極為飄忽,加上「狐狸」近4次聯賽鬥熱刺輸3次,今次作客難搶分,熱刺上盤值得支持。

赢家联盟