藍月亮細心氹阿伯

2019-01-09 12:00:26 来源:互联网

出副選夠贏就算
周四凌晨英聯盃4強首回合,曼城主場迎戰英甲球隊伯頓。曼城雖然實力超班,不過今季為專注英超同歐聯,英聯盃未必會出盡全力,況且對住低組別弱旅伯頓,領隊哥迪奧拿未必會派正選應戰,「藍月亮」夠贏隨時就收韁,今仗大細中位數開到4.5球,細盤好路。

(周四凌晨3時45分開賽)

衞冕英聯盃冠軍嘅曼城,今季要應付聯賽、歐聯、英足盃及英聯盃4條戰線,為免令主力踢得太攰,領隊哥迪奧拿往往會派副選出戰本土盃賽,其中平時鮮有機會上陣嘅菲爾科頓,上仗英足盃難得擔正,表現夠爭氣,賽後連哥迪奧拿都出到聲,話無論如何唔會將呢位英格蘭小將外借,睇得出球隊絕對有心培育新人,菲爾科頓呢場隨時再有機會出場證明自己。查實「藍月亮」今屆英聯盃16強以2比0擊敗富咸,早前8強面對李斯特城法定時間賽和1比1,可見曼城出戰英聯盃心態唔算太進取。

伯頓遇強愈強唔易啃
伯頓今屆英聯盃先後淘汰包括米杜士堡同般尼等較高級別勁旅,鬥志滿分絕對唔可以睇小。曼城上仗英足盃雖以7比0大勝洛達咸,但其實球隊近8場本土盃賽,有7次法定時間開4球或以下,呢場對手伯頓往往遇強愈強,曼城更不能掉以輕心,一於追入球細。

赢家联盟