紅軍谷氣搵般尼發洩

2018-12-05 09:58:35 来源:互联网

高普被起訴 足總盃下籤
英超2哥利物浦今晚作客鬥般尼(now 623周四凌晨3時45分直播)。利物浦上場喺打吡補時絕殺愛華頓,繼續力追曼城,領隊高普興奮到衝入球場和門將艾利臣比加慶祝,雖然死對頭曼城主帥哥迪奧拿都撐佢夠激情,不過英足總已決定起訴呢位主帥行為不檢,預計高普唔會上訴,好大機會被警告及罰款。紅軍今季喺英超表現大勇,盃賽運氣卻一般,英聯盃已提早出局,歐聯就要踢埋最後一輪先知能否躋身16強,日前英足盃紅軍又抽中下籤,第3圈將要作客今季異軍突起嘅狼隊,相反其餘5支Big6對手都係低組別球隊,紅軍過關難度肯定最大。

般尼跌Watt易被大炒
講番今晚場波,般尼上季攞到聯賽第7名,全季僅失39球嘅防線絕對首居其功,不過今季只踢14輪賽事,般尼失球數字已達29球,表現嚴重跌Watt,更何況般尼今季聯賽3次對Big6球隊,包括車路士、曼城及曼聯全部輸晒,共吞11蛋,全部淨輸2球或以上,今次對住勢如破竹嘅紅軍,預計凶多吉少,紅軍讓球半、兩球照捧上盤。

赢家联盟